21:00 / 03.03.2021
659

Кекса авлод вакилларини қўллаб-қувватлаш соҳада амалга оширилган ислоҳотлар ҳақида

Кекса авлод вакилларини қўллаб-қувватлаш соҳада амалга оширилган ислоҳотлар ҳақида
1. Соҳага оид 20 та қонун ҳужжати, шу жумладан 1 та қонун, Ўзбекистон Республикаси Президентининг 3 та Фармон ва Қарори қабул қилинди, 16 дан ортиқ норматив-ҳуқуқий ҳужжатлар такомиллаштирилди.

2. Қуйидаги институционал ўзгаришлар амалга оширилди:
– кексаларни қўллаб-қувватлаш, уларнинг ҳуқуқ ва манфаатларини ҳимоя қилиш соҳасида ваколатли давлат бошқаруви органи – Маҳалла ва оилани қўллаб-қувватлаш вазирлиги ташкил этилди;
– Қорақалпоғистон Республикаси, вилоятлар ва Тошкент шаҳри ҳамда туманлар ва шаҳарларда Нуронийлар жамоатчилик кенгашлари ташкил этилди;
– маҳаллаларда кексалар ишлари бўйича жамоатчилик асосида фаолият юритадиган раис маслаҳатчиси лавозими киритилди;
– маҳаллаларда “Кексалар маслаҳати” гуруҳлари ва “Бувижонлар мактаби” жамоатчилик кенгашлари ташкил этилди.

3. Кексаларни ижтимоий қўллаб-қувватлаш йўналишида:
– 1941-1945 йиллардаги уруш қатнашчиларига санаторийларда ҳар йили йўлланманинг ўртача нархига тенг равишда компенсация олиш ҳуқуқи берилди;
– Касаба уюшмалари Федерацияси маблағларининг 30 фоизини пенсионерларни, биринчи навбатда уруш ва меҳнат фронти фахрийларини соғломлаштиришга йўналтириш йўлга қўйилди;
– “Ватан ҳимоячилари куни” ва “Наврўз” байрамларида “Нуроний” жамғармаси ҳисобидан уруш қатнашчилари ва меҳнат фронти фахрийларига моддий ёрдам кўрсатиш тизими жорий этилди;
– “Фахрий мураббий” ордени ва “Меҳнат фахрийси” кўкрак нишони таъсис этилди ҳамда шу даврга қадар 947 нафар нуроний
“Меҳнат фахрийси” кўкрак нишони билан тақдирланди;
– 23818 нафар якка-ёлғиз қариялар ва ногиронларга жами
моддий ёрдам ҳамда “Меҳрибонлик”, “Саховат” ва “Мурувват” уйларида яшовчиларга мурувват ёрдамларини мунтазам кўрсатиш тизими йўлга қўйилди;
– 493 минга яқин фахрийларнинг диққатга сазовор жойларга, муқаддас қадамжоларга зиёрат ва саёҳатлари уюштирилди;
– 4213 нафар иккинчи жаҳон уруши қатнашчиларига жами
22 млрд сўмга яқин миқдорда мукофот пуллари ва эсдалик совғалари тантанали равишда топширилди;
– 72 нафари уруш қатнашчиларига Ҳаж сафарига бориш билан боғлиқ бўлган 1,3 млрд. сўм тўлаб берилди;
– “Дори-дармон” АК ҳисобидан 125 млн. сўмлик дори-дармонлар уруш қатнашчилари, ёлғиз пенсионер ва ногиронларга бепул етказиб берилди.

4. Моддий-техник базани мустаҳкамлаш йўналишида:
– 126 та туман (шаҳар)да кекса авлод вакиллари учун “Нуронийлар масканлари” ташкил этилди;
– “Нуроний” жамғармасининг барча ходимларига пенсияларни 100 фоиз миқдорида тўлаш тизими йўлга қўйилди;
– “Кексалик гашти” журнали таъсис этилди. Ушбу журнал ва “Нуроний” газетаси мунтазам чоп этилиши йўлга қўйилди.

5. Ёшлар таълим-тарбиясида, оилаларни мустаҳкамлашда кекса авлод вакилларининг ролини ошириш йўналишида:
– ёш авлодни ҳарбий-ватанпарварлик руҳида тарбиялаш, миллий ва умуминсоний қадриятларни уларнинг онгига сингдиришда кекса авлод вакилларининг ижтимоий фаоллигини ошириш борасида “Нуроний” жамғармасининг Мудофаа вазирлиги билан ўзаро ҳамкорлиги тизими ўрнатилди;
– маҳаллаларда, таълим муассасаларида ва ҳарбий қисмларда меҳнат фахрийларининг ёшлар билан “Икки авлод” учрашувларини мунтазам ўтказиш тизими йўлга қўйилди;
– “Инсон қадри улуғ, хотира муқаддас”, “Мардлик, бурч ва садоқат” шиорлари остида “Хотира” майдонларида, маҳаллаларда, таълим муассасаларида ва ҳарбий қисмларда ёшларнинг кекса авлод вакиллари билан учрашувлари ўтказилмоқда;
– профилактик ҳисобда бўлган фарзанди тарбиясига салбий таъсир кўрсатувчи 11636 нафар ота-оналардан 6488 нафари кекса авлод вакилларининг таклифлари асосида рўйхатдан чиқарилди;
– кексалар авлод вакилларининг тарғибот-ташвиқот ишлари натижасида 286 та нотинч оилалар яраштирилди, 258 нафар вояга етмаганлар профилактик ҳисобдан чиқарилди, 263 нафар спиртли ичимликка ружу қўйганлар бундай иллатдан халос бўлишига эришилди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Кекса авлод вакилларини қўллаб-қувватлаш соҳада амалга оширилган ислоҳотлар ҳақида