Ева Грин Нетфлихънинг машҳур «Уенсдей» сериали 3-мавсумида муҳим рол ижро этиши расман тасдиқланди. У сериалда асосий аҳамиятга эга қаҳрамонлардан бири бўлган Офелия Фрамп образини жонлантиради.
Бу қаҳрамон — Мортиша Аддамснинг опаси ва иккинчи мавсум финалида деворга қон билан «Уенсдей ўлиши керак» деб ёзган қизил либосли блондинка айнан шу.
Офелия — ўта кучли руҳий қобилиятларга эга бўлган «қарға». У ўз онаси томонидан психиатрия клиникасига қамалган, кейин эса у ердан қочиб чиққан. Унинг оч ранг сочлари, гулли тож кийими ва жияни — Уенсдейга нисбатан адовати готик услубдаги Мортишага тўлиқ қарама-қарши образни яратади.
Ева Грин учун бу рол «Страшных сказок» ва «Дурнушки» сериалларидан кейин яна бир бор қоронғу жанрга қайтиш бўлади. Шу билан бирга, бу актрисанинг Тим Бертон билан «Темных теней» фильмидаги ҳамкорликдан кейинги навбатдаги учрашуви ҳам саналади.
Айтишларича, сериалнинг 2-мавсуми Нетфлих тарихида кўрилганлик бўйича тўртинчи ўринни эгаллаган, 1-мавсум эса ҳали ҳам рекордчи сифатида биринчи ўринда турибди. 3-мавсум суръат билан суратга олинмоқда ва шундай хавфли хола Офелиянинг пайдо бўлиши сериални янада қоронғу ва воқеаларга бой қилиши аниқ.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
