Толибжон Исроилов “Аёл қалби” кўрсатувидаги суҳбати давомида оила қуриш арафасида турган ёшларга муҳим ва ўйлантирувчи маслаҳат берди.
Хонанданинг таъкидлашича, келин танлашда энг муҳим жиҳатлардан бири — қизнинг оиласи, хусусан, онасига эътибор қаратишдир:
“Онасига қараб қиз олинглар. Албатта, куёв қилганингизда ҳам шундай. Онаси яхши бўлиши керак. Буни қатъий айтаман — кимдир рози бўладими, қарши чиқадими, барибир шу фикрдаман. Бу гапни мен эмас, халқ айтган. Аллоҳ уни халқ қалбига солган”, — дейди у.
Шунингдек, Толибжон Исроилов аёлнинг жамиятдаги ўрни ҳақида ҳам фикр билдириб ўтди:
“Тўғри, дунёдаги катта ишларни эркаклар қилади. Аммо айнан ўша буюк ишлар сари эркакларни етаклайдиган — аёл бўлади”, — дея сўзини якунлади хонанда.
Мазкур фикрлар ижтимоий тармоқларда кенг муҳокамаларга сабаб бўлди. Изоҳларда кўпчилик хонанданинг гапларига қўшилиб, бу фикрда катта ҳақиқат борлигини таъкидламоқда.
“Zamin”ни Telegram'да ўқинг!
