Имон Хелиф Фото: Reuters
Халқаро бокс ассоциацияси (IBA) президенти Умар Кремлёв гендер тестидан ўта олмаган боксчиларга мағлуб бўлган спортчиларга худди Олимпиада олтин медалидек мукофот тўланишини айтди.
«IBA жабрланган боксчиларни Олимпиадада биринчи ўринни олгандек мукофотлайди. Биз барчани гендер дискриминациясидан ҳимоя қиламиз», деб ёзди Кремлёв.
1 август куни италиялик боксчи Анжела Карини 47-секундда жазоирлик Имон Хелифга қарши жангни давом эттиришдан бош тортди. Унинг сўзларига кўра, рақибининг зарбасидан кейин бурнида қаттиқ оғриқ сезган, мувозанатни йўқотган ва нафас олишда қийналган. 2 август куни Карини спортдаги фаолиятини якунлаганини эълон қилди.
2 август куни тайванлик боксчи Лин Юйти Олимпиада турнирида Ўзбекистон вакили Ситора Турдибековани мағлуб этди. Турдибекова мағлубиятни кўзида ёш билан қабул қилди ва рақибини қутлашни истамади.
Аввалроқ, Имон Хелиф ва Лин Юйти IBA гендер тестидан ўтолмаган ва аёллар ўртасидаги мусобақалардан четлатилган эди.
Бироқ, Халқаро олимпия қўмитаси (ХОҚ) бу борада ўз тестини ўтказди ва ҳар иккала спортчининг аёллар ўртасидаги мусобақада иштирок этишига рухсат берди.
Имон Хелиф ва Лин Юйти билан боғлиқ вазият ижтимоий тармоқларда кўплаб муҳокамаларга сабаб бўлди.
Аввалроқ, IBA Олимпиада бокс турнири ғолибларига 100 минг доллар миқдорида мукофот тўлашини эълон қилган эди.
Қайд қилиш жоиз, Халқаро олимпия қўмитаси IBA ташкилотини тан олиши ҳақидаги қарорни бекор қилган. ХОҚ олимпиада бокс турнирини мустақил равишда ўтказмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
