"Манчестер Юнайтед" ва "Арсенал" ўртасида очколар бўлинди

Англия Премьер-лигасининг 28-туридан ўрин олган "Манчестер Юнайтед" ва "Арсенал" ўртасидаги баҳс 1:1 ҳисобида якунланди. "Олд Траффорд"да бўлиб ўтган ўйинда дастлаб 45+2-дақиқада Бруну Фернандеш ҳисобни очди. Аммо 74-дақиқада Деклан Райснинг голи "Арсенал"га бир очко олиб келди.

Учрашувда "Арсенал" устунлик қилди: 69% тўпга эгалик ва 17 та зарба. "МЮ" эса 31% тўпга эгалик қилиб, 10 та зарба йўллади. Бу натижа орқали "Арсенал" 55 очко билан 2-ўринда қолмоқда, "Манчестер Юнайтед" эса 34 очко билан 14-ўринда.