Карло Анчелотти ўзининг собиқ шогирди, жаҳон футболида аср рамзига айланган Лука Модрич ҳақида яна бир бор катта эҳтиром билан гапирди. Итальян мутахассисига кўра, 40 ёшга яқинлашганига қарамай, хорват ярим ҳимоячи ҳали ҳам элита даражасида ўйнаб, барча кутганлардан юқори натижа кўрсатаётгани ҳеч қандай тасодиф эмас.
Ёзда “Реал” билан шартномаси якунланган Модрич эркин агент сифатида “Милан” сафига қўшилганди. Аммо ёш билан боғлиқ саволлар, турли тахминларга қарамай, у Италия чемпиони таркибида ҳам тўпни ўзининг ўша машҳур завқи ва "класси" билан тақсимлашни давом эттирмоқда.
Анчелотти бу ҳолатни шундай изоҳлайди:
Унинг сўзларига кўра, Модричнинг ҳозирги формаси унчалик ҳам ажабланарли эмас. Чунки хорват юлдузнинг асосий мақсади бор — келаётган Жаҳон чемпионатида яна бир бор саҳнага чиқиш. Шу ният, шу интилиш уни ҳар машғулотда, ҳар ўйинда максимал даражада меҳнат қилишга ундайди.
Анчелотти айтишича, “Реал”даги вақтида Модрич бирорта машғулотни ўтказиб юбормасди — ҳатто кучли талаблар, узоқ сафарлар ёки қисқа тикланиш даврларига қарамай.
Унинг сўзлари жуда қисқа, лекин жуда аниқ:
“Бу — генетика ва касбига бўлган жиддий муносабат. Ҳаммаси шунчаки содда.”
Анчелотти, шунингдек, “Модрич феноменми ёки А Серия меҳмон футболчилар учун қулай лига?” деган саволларга ҳам жавоб берди. Унингча, бундай гаплар мутлақо жиддий ёндашув эмас:
“Ҳеч қандай ҳазил керак эмас. Лука ҳали ҳам дунёдаги энг юқори даражадаги ярим ҳимоячилардан бири.”
Эътиборга молик яна бир жиҳат — “Милан” раҳбарияти Модричнинг ўйин сифати ва тажрибасидан жуда мамнун. Шу боис клуб унга яна бир мавсумлик шартнома таклиф қилишни режалаштираётгани айтилмоқда. Анчелотти бу қарорни қўллаб-қувватлаб, шундай дейди:
“У ҳали муаммосиз яна бир мавсумни юқори даражада ўтказа олади.”
Хулоса қилиб айтганда, 40 ёшга етган футболчи учун бу даражадаги ўйин деярли мўъжиза ҳисобланади. Аммо Модричнинг ўзи — бир умрдан бери мўъжизалар яратиб келаётган футболчи.
Шахсан Анчелотти эса унинг ҳали бир неча мавсум юқорини забт этишидан умидвор.
Меҳмон гуруҳидаги фойдаланувчилар ушбу мақолага изоҳ қолдира олмайди.
