«Интер» ярим ҳимоячиси Асллани Туркия чемпионатига йўл олмоқда
«Интер» ярим ҳимоячиси Кристиан Асллани Туркиянинг «Бешикташ» клубига ўтмоқда. 23 ёшли футболчи 2025/2026 йилги мавсум якунигача ижара асосида ўйнайди, келишувда уни кейинчалик тўлиқ сотиб олиш банди ҳам бор. Мавсумнинг биринчи қисмида «Торино» сафида тўп сурган Асллани Италия чемпионатида 15 учрашувда майдонга тушиб, гол ёки ассист қайд этмади. «Бешикташ» Туркия чемпионатининг жорий мавсумида турнир жадвалининг бешинчи поғонасида бормоқда.
Миланнинг «Интер» клубида тўп сураётган албаниялик ярим ҳимоячи Кристиан Асллани Туркия Суперлигасига кўчмоқда. Инсайдер Фабритсио Романо хабарига кўра, 23 ёшли футболчининг кейинги манзили Истанбулнинг «Бешикташ» клуби бўлади. Бу ҳақда euro-football.ru хабар беради.
Асллани турк гранди билан 2025/2026 йилги мавсум якунлангунигача мўлжалланган ижара шартномасини имзолайди. Келишувда футболчини кейинчалик тўлиқ сотиб олиш банди ҳам кўзда тутилади.
Мавсумнинг биринчи қисмида Асллани «Торино» сафида ижара асосида ўйнаган. У Италия чемпионатида 15 учрашувда майдонга тушди, бироқ гол ёки ассист билан ажралиб чиқмади.
Туркия чемпионатининг жорий мавсумида «Бешикташ» турнир жадвалида бешинчи ўринда бормоқда.
Изоҳлар 0
…