Диего Симеоне иккиёқламаликда айбланмоқда: Арсенал эмблемаси устидан юриб ўтди
Атлетико Мадрид бош мураббийи Диего Симеоне Чемпионлар лигаси ярим финалининг Лондондаги жавоб учрашувидан сўнг туннел йўлагидаги Арсенал клуби эмблемасини оёқ ости қилиб ўтди. Ушбу ҳолат мухлислар ва ижтимоий тармоқ фойдаланувчилари томонидан кескин танқид қилинди, чунки бир ҳафта аввал Испаниядаги дастлабки ўйиндан сўнг мураббий айнан шу иш учун Бен Whите билан жанжаллашиб, буни ҳурмацизлик деб атаганди.
Чемпионлар лигаси ярим финалида Арсенал жамоасига имкониятни бой берган Атлетико Мадрид бош мураббийи Диего Симеоне шов-шувли вазият марказида қолди. Лондондаги жавоб учрашувидан сўнг, аргентиналик мутахассис майдонни тарк этаётиб, туннел йўлагидаги Арсенал клуби эмблемасини оёқ ости қилиб ўтди. Бу ҳақда Goal.com хабар беради.
Ушбу ҳолат мухлислар ва ижтимоий тармоқ фойдаланувчилари томонидан кескин танқид қилинди. Гап шундаки, бир ҳафта аввал Испанияда бўлиб ўтган дастлабки ўйиндан сўнг, Диего Симеоне айнан шу ишни қилгани учун Арсенал ҳимоячиси Бен Вҳите билан жанжаллашиб қолган эди. Ўшанда мураббий инглиз футболчисининг хатти-ҳаракатини ҳурматсизлик деб атаб, унга нисбатан тажовузкор муносабатда бўлганди.
Кузатувчилар Диего Симеоне ўзи қоралаган ишни орадан кўп ўтмай такрорлаганини иккиёқламалик ва иккиюзламачилик деб баҳолашмоқда. Видеолавҳаларда мураббий билан бирга ҳимоячи Хосе Мариа Гименез ҳам эмблема устидан босиб ўтгани акс этган.
Арсенал бош мураббийи Микел Артета эса жамоасининг тарихий ғалабасидан мамнун эканлигини билдириб, футболчиларининг ишончи ва руҳияти юқори эканлигини таъкидлади. Лондонликлар эндиликда Англия Премер-лигаси ва Чемпионлар лигаси ғолиблиги учун курашни давом эттирмоқда.
Арсенал мавсум якунида муҳим ўйинларни ўтказади. Жамоа олдинда Вест Хем, Бёрнли ва Кристал Пелас каби рақибларга қарши баҳслардан сўнг, Будапештда бўлиб ўтадиган Чемпионлар лигаси финалида PSJ жамоасига қарши майдонга тушади.
Изоҳлар 0
…