Фил Фоден чоршанба оқшомида Этиҳад стадионида Кристал Пелас устидан қозонилган 3:0 ҳисобидаги муҳим ғалабада иккита голли узатмани амалга ошириб, Манчестер Сити жамоасининг Англия Премер-лигаси чемпионлиги учун курашдаги умидларини сақлаб қолди. Пеп Гвардиола шанба кунги Англия кубоги финалини инобатга олиб, таркибда олтита ўзгаришни амалга оширди ва Фоденга ўзини кўрсатиш учун имконият берди. Бу ҳақда Goal.com хабар беради.
Учрашувнинг 32-дақиқасида Фоденнинг моҳирона узатмасидан сўнг Антуан Семенё ҳисобни очди. Биринчи бўлим якунланиши арафасида эса Фоденнинг назорати туфайли Омар Мармуш гол уриб, жамоанинг устунлигини икки баробарга оширди. Ўйин охирида Раян Шерки томонидан узатилган тўпни Савинё дарвозага йўллаб, мавсумдаги илк голини нишонлади.
Гвардиола шогирдлари ушбу ғалабадан сўнг пешқадам Арсенал билан бўлган очколар фарқини икки очкогача қисқартирди. Фоден майдонни тарк этаётганда мухлислар уни олқишлар билан кузатиб қўйишди.
Ўзбекистонлик футболчи навбатдаги барқарор ўйинини намойиш этди. У деярли хатосиз ҳаракат қилиб, ҳимояда Марк Гуеҳи билан биргаликда рақиб ҳужумчиси Матетани зарарсизлантиришда муҳим рол ўйнади.
“Zamin”ни Telegram'да ўқинг!
