Будапештда ўтган ҳаяжонли финал баҳсида Пари Сен-Жермен пеналтилар сериясида Арсенал устидан ғалаба қозониб, Чемпионлар лигаси ғолиблигини ўзида сақлаб қолди. Ўйиннинг 6-дақиқасида Кай Хаверц лондонликларни ҳисобда олдинга олиб чиққан бўлса, 65-дақиқада Усман Дембеле пеналтидан мувозанатни тиклади. Қўшимча бўлимларда ҳисоб ўзгармади ва пеналтилар сериясида парижликлар 4:3 ҳисобида зафар қучишди. Бу ҳақда Goal.com хабар беради.
Арсенал учун ўйин жуда яхши бошланган эди. Эрта урилган голдан сўнг, Микел Артета шогирдлари ўзларининг энг кучли жиҳати — ҳимояга таянишди. PSJ тўпни рақиб жарима майдончаси атрофида айлантирган бўлса-да, меҳмонларнинг ихчам 4-4-2 схемасидаги мудофаасини ёриб ўта олмади. 65 дақиқа давомида Европанинг энг яхши ҳимояси Десире Доуе, Усман Дембеле ва Хвича Кваратсхелиа каби ҳужумчиларни зарарсизлантириб турди.
Бироқ, якунда Арсенал девори кутилган жойда — ўнг қанот ҳимоясида дарз кетди. Журриен Тимбер ва Бен Whите жароҳат сабабли сафдан чиққани боис, Артета бу позицияга асли марказий ҳимоячи бўлган Кристиан Мосқуерани қўйишга мажбур бўлди. 21 ёшли испаниялик футболчи Хвича Кваратсхелиага қарши ўйинда қийинчиликка дуч келди. 65-дақиқада грузиялик вингер Мосқуерадан ўтиб кетди ва жарима майдончаси ичида йиқитилди. Усман Дембеле эса нуқтадан адашмади.
Пеналтилар сериясида Эберечи Эзе ва Габриел ўз имкониятларидан фойдалана олишмади. PSJ сафида эса фақат чарчаб қолган Нуно Мендес хатога йўл қўйди. Шу тариқа, Париж клуби кетма-кет иккинчи бор қитъанинг энг нуфузли кубогини боши узра баланд кўтарди.
“Zamin”ни Telegram'да ўқинг!
