Англия лига кубоги бош соврини учун финал учрашуви бўлиб ўтди. «Уэмбли»да кечган учрашувда «Арсенал» ва «Манчестер Сити» жамоалари ўзаро рўбарў келди.
Учрашувнинг 18-дақиқасида Серхио Агуэро дарвозабон Клаудио Браво томонидан етказиб берилган тўпни Оспина дарвозасига йўллаб ҳисобни очди. Биринчи бўлимда бу гол ягоналигини сақлаб қолди.
Иккинчи бўлимда олдинга борган «Сити» вакиллари тез орада фарқни иккитага оширишди. Илкай Гундўған томонидан берилган зарба йўналишини ўзгартириб юборган Венсан Компани гол муаллифи бўлди. 65-дақиқада энди Давид Сильва Данилонинг пасидан сўнг ўткир бурчакда бўлишига қарамасдан Оспинанинг узоқ бурчагини аниқ нишонга олди — 3:0. Ушбу натижа ўйин сўнгига қадар ўзгармай қолди.
Бу Гвардиоланинг «Манчестер Сити» бош мураббийлигидаги илк соврини бўлди. «Сити» билан иккинчи мавсумида ишлаётган каталониялик мутахассис шу кунгача жамоа билан соврин ютмаганди. Ҳозирда жамоа Англия чемпионатида катта фарқ билан етакчилик қилмоқда. Шунингдек Европа чемпионлар лигасида ҳам курашни давом эттирмоқда.
Англия Лига кубоги, Финал
Арсенал – Манчестер Сити 0:3 (0:1)
Голлар: Агуэро (18), Компани (58), Сильва (65).
Арсенал: Оспина, Мустафи, Косьельни, Монреаль (Колашинац, 26), Чемберс (Уэлбек, 65), Ўзил, Рэмзи (Ивоби, 73), Уилшер, Чака, Беллерин, Обамеянг.
Манчестер Сити: Браво, Компани, Данило, Уокер, Отаменди, Гундўған, Фернандиньо (Бернарду Силва, 52), Сильва, де Брюйне, Сане (Габриэл Жезус, 77), Агуэро (Фоден, 89).
Огоҳлантиришлар: Бельерин (24), Рэмзи (32), Фернандиньо (36), Чемберс (47), Компани (80), Уилшер (88).
[media=https://youtu.be/wjqlr4ZvAUQ] “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди