Дреаме компанияси 0,9 сонияда тезланувчи ракетали автомобилни тақдим этди
Дреаме компанияси Небула Нехт 01 Жет Эдитион номли ракетали автомобилни тақдим этди, у 0,9 сонияда соатига 100 километр тезликка эришади. Автомобиль икки ракета тезлатгичи билан жиҳозланган бўлиб, аэрокосмик технологияларни оддий фойдаланувчилар учун мослаштиришга қаратилган. Унинг максимал тортиш кучи 100 килонъютон, энергия зичлиги эса 450 Вт·соат/кг дан юқори. Тизим хавфсизликни таъминлаш учун юқори аниқликдаги электрон бошқарувга эга ва интеллектуал ҳайдаш функцияси билан таъминланган.
Чангютгичлар ишлаб чиқарувчи Дреаме Течнологй компанияси Небула Нехт 01 Жет Эдитион номли ноодатий автомобилни намойиш этди. Мазкур транспорт воситаси иккита қаттиқ ёқилғили ракета тезлатгичлари билан жиҳозланган бўлиб, улар ёрдамида соатига 100 километр тезликка атиги 0,9 сонияда эришади. Бу ҳақда Ixbt.com хабар беради.
Мутахассисларнинг таъкидлашича, ушбу куч қурилмаси аэрокосмик технологияларни оддий фойдаланувчилар учун мослаштиришга қаратилган илк уринишдир. Тизимнинг максимал тортиш кучи 100 килонъютонни ташкил этади, юқори аниқликдаги электрон бошқарув эса хавфсизликни таъминлайди.
Автомобиль энергия зичлиги 450 Вт·соат/кг дан юқори бўлган қаттиқ ҳолатдаги аккумулятор билан таъминланган. Ишлаб чиқарувчининг маълум қилишича, технология серияли ишлаб чиқаришга тайёрланмоқда ва бир марта қувватланиш орқали 550 километрдан ортиқ масофани босиб ўта олади.
Небула Нехт 01 Жет Эдитион тўлиқ электрон бошқарув тизимига эга бўлиб, у ҳатто шиналар тешилган ҳолатда ҳам мураккаб маневрларни бажариш имконини беради. Интеллектуал ҳайдаш учун эса атроф-муҳитни таҳлил қилувчи ва инсон билан биргаликда бошқарувни амалга оширувчи VLA моделлари архитектурасидан фойдаланилган.
Машинага ўрнатилган DHX1 лидари 600 метргача бўлган масофадаги объектларни аниқлаш қобилиятига эга. Тизим ҳатто 280 метр узоқликдаги майда ҳайвонларни ҳам таний олади, бу эса ҳар қандай об-ҳаво шароитида хавфсиз ҳаракатланишни кафолатлайди.
Изоҳлар 0
…