Янги тасвир моделлари иловалар юкланишини 6,5 баробарга оширди
Сунъий интеллектнинг тасвир яратувчи моделлари мобил иловалар юкланишини 6,5 баробарга оширди. ChatGPT ва Gemini каби моделлар янги визуал имкониятлар билан фойдаланувчиларнинг қизиқишини оширди. Google Gemini иловаси 28 кун ичида 22 миллиондан ортиқ юклаб олишга эришди, аммо юклаб олишлар ҳар доим даромадни оширмаслиги таъкидланди. Фақат ChatGPT ўзининг эътиборини реал даромадга айлантира олди.
Аппфигурес маълумотларига кўра, сунъий интеллектнинг тасвир яратувчи моделлари мобил иловалар ўсишини таъминламоқда. Бундай моделлар анъанавий янгиланишларга қараганда 6,5 баробар кўпроқ юклаб олишларни келтириб чиқармоқда. Бу ҳақда Techcrunch.com хабар беради.
Аввалроқ овозли чат каби янги функциялар ва суҳбат моделлари талабни оширган бўлса, эндиликда визуал имкониятлар биринчи ўринга чиқди. Масалан, ChatGPT ва Gemini ўзларининг тасвир моделларини ишга туширгандан сўнг ўн миллионлаб янги юклаб олишларга эришди.
Google Gemini иловаси Nano Банана тасвир моделини тақдим этганидан кейинги 28 кун ичида қўшимча 22 миллиондан ортиқ юклаб олинди. Бу кўрсаткич илова юклаб олинишини тўрт баробардан кўпроққа оширди.
ChatGPT эса GPT-4о тасвир моделини тақдим этгач, 12 миллиондан ортиқ қўшимча ўрнатишларга эга бўлди.
Бироқ, ҳисоботда таъкидланишича, юклаб олишларнинг кўпайиши ҳар доим ҳам даромад ўсишига олиб келмайди. Фойдаланувчилар янги имкониятларни синаб кўриш учун иловани ўрнатадилар, лекин пуллик обуначига айланмасликлари мумкин.
Фақатгина ChatGPT ортган эътиборни реал даромадга айлантира олди ва 28 кун ичида тахминан 70 миллион доллар ишлаб топди.
Изоҳлар 0
…