Криптовалюта бозори нисбатан сокин даврни бошдан кечираётганига қарамай, a16zcrypto компанияси янги, 2,2 миллиард долларлик жамғарма ташкил этилганини эълон қилди. Бу венчур фондининг бешинчи йирик лойиҳаси бўлиб, унинг умумий маблағлари ҳажми 9,8 миллиард долларга етди. Компания ўзининг техник директори Эддй Лаззаринни бош ҳамкор (Генерал Партнер) лавозимига кўтарди. Бу ҳақда Techcrunch.com хабар беради.
Ҳозирги вақтда крипто биржаларида савдо ҳажми сезиларли даражада камайган. Масалан, CоинГеcко маълумотларига кўра, март ойи 2023-йил ноябридан буён крипто савдоси энг суст ўтган ой бўлди. Шунингдек, ДефиЛлама статистикаси венчур инвестициялар ҳам ўтган йилга нисбатан қисқарганини кўрсатмоқда.
Бозордаги пасайишга қарамай, a16zcrypto ҳамкорлари бу даврни янги технологияларни яратиш учун қулай фурсат деб билишади. Уларнинг фикрича, айнан шундай сокин паллада яратилган лойиҳалар келажакда янада барқарор ва фойдали бўлиб чиқади. Шунга қарамай, кўплаб йирик венчур фондлар ҳозирда эътиборини сунъий интеллект (АИ) соҳасига қаратмоқда.
Бозордаги рақобат ва АИ соҳасининг жозибадорлиги ортиб бораётганига қарамай, a16zcrypto ўз стратегиясини ўзгартирмайди. Компания вакилларининг таъкидлашича, янги жамғарма 100 фоиз крипто-тадбиркорларни қўллаб-қувватлашга ва блокчейн технологияларини ривожлантиришга йўналтирилади.
“Zamin”ни Telegram'да ўқинг!
