ВTB банки ва Beeline мобил оператори мижозлар учун янги «ақлли автоматлаштирилган тўлов» хизматини тақдим этди. Ушбу ечим фойдаланувчиларга телефон балансини қўлда тўлдириш ва ҳисоб-китобларни мунтазам кузатиб бориш заруратидан халос бўлиш имконини беради. Бу ҳақда Ixbt.com хабар беради.
Янги хизмат оператор томонидан тақдим этилган ҳисоб-китоб суммасидан келиб чиқиб, белгиланган лимит доирасида маблағларни автоматик тарзда ечиб олади. Бу жараён мижознинг мобил алоқа харажатларини бошқаришни сезиларли даражада соддалаштиради.
Ҳозирги вақтда хизмат ВTB Онлайн веб-версиясида мавжуд. Android фойдаланувчилари учун эса у май ойи охиригача 20.08 версиясидан бошлаб мобил иловага киритилади. Хизмат «Конструктор» туркумидаги ва ундан юқори тариф режалари учун амал қилади.
ВTB вакили Алексей Охорзиннинг сўзларига кўра, мазкур функция миллионлаб мижозларга вақтни тежашга ёрдам беради. Beeline вакили Антон Максимов эса янги усул анъанавий сана ёки баланс чегараси бўйича тўловлардан фарқли ўлароқ, мижознинг ҳақиқий эҳтиёжига қараб мослашувчан ишлашини таъкидлади.
Келгусида ВTB ушбу «ақлли автоматлаштирилган тўлов» тизимини бошқа мобил алоқа операторлари учун ҳам жорий этишни режалаштирмоқда.
“Zamin”ни Telegram'да ўқинг!
