АҚШ президенти Доналд Трумп Хитойга амалга ошираётган ташрифи доирасида ўзи билан бирга 16 нафар йирик бизнес вакилларини олиб кетмоқда. Reuters агентлиги хабарига кўра, делегация таркибидан Tesla ва SpaceX раҳбари Elon Musk, Apple бош директори Tim Cook, Boeing раҳбари Келлй Ортберг ҳамда ГE Аэроспасе компанияси бошлиғи Ларрй Кулп ўрин олган. Бу ҳақда Ixbt.com хабар беради.
Ушбу учрашув Вашингтон ва Пекин ўртасидаги савдо алоқаларини қайта тиклаш ҳамда икки мамлакат ўртасидаги тарангликни юмшатишга қаратилган. Томонлар янги савдо форумларини ташкил этиш ва қишлоқ хўжалиги маҳсулотлари, энергия ресурслари ҳамда авиация техникаларини етказиб бериш бўйича келишувларни кенгайтиришни муҳокама қилмоқда.
Boeing компанияси учун бу ташриф алоҳида аҳамиятга эга. Хитой 2017-йилдан буён илк бор Boeing самолётларига, жумладан 500 тагача 737 МАХ ва ўнлаб кенг фюзеляжли лайнерларга буюртма бериши мумкин. Шунингдек, савдо урушидаги вақтинчалик сулҳни узайтириш ва нодир металлар етказиб бериш масалалари ҳам кун тартибида турибди.
Қизиғи шундаки, Нвидиа раҳбари ушбу делегация таркибига киритилмади. Оқ уй ҳозирги босқичда асосий эътиборни авиация ва агросекторга қаратмоқда, чунки айнан шу соҳаларда энг йирик битимлар имзоланиши кутилмоқда.
“Zamin”ни Telegram'да ўқинг!
