Huawei компанияси HarmonyOS тизими учун навбатдаги янгиланишни тақдим этди. Энжой 90 Pro Max модели ушбу янгиланиш доирасида Гаме Ассистант функциясига эга бўлган илк смартфонга айланди. Янгиланган Гаме Ассистант ўйин жараёнини оптималлаштирувчи юқори унумдорлик режимини ўз ичига олади. Шунингдек, фойдаланувчилар ўйин вақтида чалғимаслик учун "Безовта қилинмасин" режимини ёқишлари ва ўйин ҳамжамиятлари, совғалар ҳамда янгиликлардан осон фойдаланишлари мумкин. Бу ҳақда Ixbt.com хабар беради.
HarmonyOS 6.1.0.210 версияси орқали галерея иловаси ҳам сезиларли даражада бойитилди. Эндиликда фойдаланувчилар сунъий интеллект ёрдамида дубликат ва ўхшаш суратларни тезда тозалашлари мумкин. Таҳрирлаш имкониятлари ҳам кенгайтирилиб, янги стикерлар, чизиш воситалари (стрелкалар, шакллар) ва матнни безаш учун декоратив услублар қўшилди.
Эслатиб ўтамиз, Энжой 90 серияси жорий йилнинг 23-мартида тақдим этилган бўлиб, унга базавий модел, Энжой 90 Plus ва Энжой 90 Pro Max киради. Барча моделлар Кирин 8000 чипи ва HarmonyOS 6 тизимида ишлайди. Сотувга чиққан илк куниёқ 250 000 дона смартфон ўз харидорини топди.
Энжой 90 Pro Max моделининг энг асосий устунлиги унинг 8500 мА/соат сиғимга эга аккумуляторидир. Бу Huawei тарихидаги энг катта сиғимли батарея ҳисобланади. Янги смартфонлар аввалги Энжой 80 авлодига нисбатан каттароқ экранлар билан жиҳозланган.
“Zamin”ни Telegram'да ўқинг!
