Дреаме смартфон бозорига кириб келмоқда: илк партияда 100 мингдан ортиқ қурилма
Чангютгичлари билан танилган Дреаме компанияси Aurora туркумидаги учта версиядан иборат янги смартфонларини 2026-йилнинг тўртинчи чорагида бозорга чиқаришни режалаштирмоқда. Мйдриверс манбаларига кўра, дастлабки босқичда халқаро ва Хитой ички бозорида бир вақтнинг ўзида 100 мингдан ортиқ қурилма сотилиши кўзда тутилган. Компания асосчиси ва бош директори Ю Ҳао мазкур бренд смартфонлар бозорида етакчилик қилиш ниятида эканлигини қатъий таъкидлади.
Чангютгичлар ишлаб чиқарувчиси сифатида танилган Дреаме компанияси смартфонлар бозорини забт этишга ҳозирлик кўрмоқда. Мйдриверс манбаларига кўра, компаниянинг янги Aurora туркумидаги смартфонлари 2026-йилнинг тўртинчи чорагида расман сотувга чиқарилади. Бу ҳақда Ixbt.com хабар беради.
Янги туркум учта версиядан иборат бўлади: оддий флагман, модулли камерага эга флагман ҳамда юқори даражадаги махсус (кустом) версия. Нархлар ўн минглаб юандан бошланиб, юз минглаб юангача етиши кутилмоқда. Компания айниқса махсус версия орқали ўз брендининг нуфузини оширишни мақсад қилган.
Дреаме глобал бозорга чиқиш стратегиясини танлаган бўлиб, сотувлар бир вақтнинг ўзида халқаро ва Хитой ички бозорида бошланади. Дастлабки босқичда 100 000 дан ортиқ қурилма сотиш режалаштирилган. Асосий савдо ҳажми эса оддий ва модулли флагман моделлар ҳиссасига тўғри келади.
Аввалроқ Испанияда бўлиб ўтган тақдимотда компания Aurora Нех ЛС1 прототипини намойиш этган эди. Дреаме Течнологй асосчиси ва бош директори Ю Ҳао компаниянинг смартфонлар бозорида етакчилик қилиш ниятида эканлигини қатъий таъкидлади.
Изоҳлар 0
…