SpaceX АҚШдаги интернет субсидияларини бекор қилишни талаб қилмоқда
Elon Musk асос солган SpaceX компанияси АҚШ Федерал алоқа комиссиясига мурожаат қилиб, қишлоқ ҳудудларини интернет ва овозли алоқа билан субсидиялаш учун мўлжалланган 4,5 миллиард долларлик жамғармани ёпишни сўради. Компания Starlink сунъий йўлдош тизими олис ҳудудлардаги интернет муаммосини рақобатбардош нархларда ҳал қилгани сабабли эски давлат дастурлари ортиқча харажат келтириб чиқаришини таъкидлади.
Elon Musk асос солган SpaceX компанияси АҚШ Федерал алоқа комиссиясига (ФКК) мурожаат қилиб, қишлоқ ҳудудларида интернет ва овозли алоқани субсидиялаш учун ажратиладиган 4,5 миллиард долларлик жамғармани ёпишни таклиф қилди. Компания фикрича, Starlink сунъий йўлдош тизими аллақачон олис ҳудудларда юқори тезликдаги интернет муаммосини рақобатбардош нархларда ҳал қилган. Бу ҳақда Ixbt.com хабар беради.
SpaceX вакилларининг таъкидлашича, эски давлат дастурлари бугунги технологик реалликка мос келмайди ва ортиқча харажатларни келтириб чиқармоқда. ФКК яқин ҳафталарда йиллик бюджетнинг 1,6 миллиард долларини ташкил этувчи ушбу дастур қоидаларини янгилаш ёки субсидияларни бутунлай бекор қилиш масаласини овозга қўйишни режалаштирмоқда.
Ҳозирги кунда 249 та маҳаллий оператор қарийб 1 миллиард доллар субсидия олади, бироқ улардан талаб қилинадиган интернет тезлиги Starlink имкониятларидан анча паст. Шу сабабли, ФКК субсидияларни қайта кўриб чиқиш зарурати борлигини тан олмоқда.
Бундан ташқари, Starlink авиация соҳасида ҳам фаол кенгаймоқда. Яқинда Эмиратес авиакомпанияси ўз самолётларида Starlink технологиясини жорий этишини эълон қилди. Elon Muskнинг сўзларига кўра, юқори тезлик ва паст кечикиш (латенкй) туфайли кўплаб йирик авиакомпаниялар айнан Starlink тизимини танламоқда.
Изоҳлар 0
…