Ядровий энергетика соҳасидаги Деэп Фиссион стартапи сунъий интеллект маълумотлар марказларини қувватлантириш учун ерости реакторларини қуриш мақсадида оммавий акциядорлик жамиятига айланишини эълон қилди. Бироқ бу янгилик кўпчиликда саволлар туғдирмоқда, чунки компания ўтган йилнинг сентябрь ойида ҳам Сурфсиде Акқуиситион қобиқ компанияси билан бирлашиш орқали биржага чиққанини маълум қилган эди. Бу ҳақда Techcrunch.com хабар беради.
Ўшанда Деэп Фиссион ҳар бир акциясини 3 доллардан сотиб, 30 миллион доллар жалб қилганини айтган бўлса-да, амалда унинг акциялари биржада савдо қилинмаган. Эндиликда компания Насдақ биржасида анъанавий ИПО ўтказишни режалаштирмоқда ва ҳар бир акция учун 24 доллардан 26 долларгача нарх белгилаб, жами 157 миллион доллар йиғишни кўзламоқда. Бу эса компания қийматини 1,66 миллиард долларга етказиши мумкин.
Компаниянинг молиявий ҳолати ва режалари борасида ҳам ноаниқликлар мавжуд. SEКга тақдим этилган янги С-1 ҳисоботига кўра, биринчи реакторни ишга тушириш муддатлари кечикмоқда. Аввалроқ 2026-йил июльигача ядровий занжир реакциясини ўз-ўзини таъминлаш даражасига етказиш вада қилинган бўлса, эндиликда аниқ муддатлар кўрсатилмаган.
Деэп Фиссион молиявий жиҳатдан жиддий қийинчиликларга дуч келмоқда. Март ойи ҳолатига кўра, компания дефицити 56,2 миллион доллардан 88,1 миллион долларгача ўсган. Агар ушбу ИПО муваффақиятли якунланмаса, стартап яқин 12 ой ичида маблағсиз қолиши ва фаолиятини тўхтатиши мумкинлиги ҳақида огоҳлантириш берилган.
“Zamin”ни Telegram'да ўқинг!
