Алпҳабет компаниясига тегишли Ваймо стартапи Лос-Анжелес, Феникс ва Сан-Франциско шаҳарларидаги танланган фойдаланувчилар учун ўзининг энг янги роботаксиларини тақдим этди. Хитойнинг Zeekr бренди томонидан ишлаб чиқарилган ушбу тўлиқ электр қувватли минивенлар харажатларни камайтириш ва юз минглаб йўловчиларга хизмат кўрсатишга мослаштирилган. Ҳозирча Ожаи деб номланувчи ушбу транспорт воситаларида юриш бепул бўлиб, компания бу орқали мижозлар фикрини ўрганишни мақсад қилган. Бу ҳақда Techcrunch.com хабар беради.
Ожаи модели йиллар давомида олиб борилган синовлар натижаси бўлиб, у қулайлик, осон техник хизмат кўрсатиш ва арзон операцион харажатларни кўзлайди. Ушбу минивен Хитойнинг Geely Ҳолдингс компаниясига қарашли Zeekr бренди билан ҳамкорликда яратилган. Автомобил Швецияда лойиҳалаштирилган бўлиб, у махсус SEА-М архитектурасига асосланган. Бу платформа келажакдаги роботаксилар ва логистика транспортлари учун махсус ишлаб чиқилган.
Янги роботакси Ваймо компаниясининг олтинчи авлод ҳайдовчисиз бошқарув тизими билан жиҳозланган. Тизим таркибига 13 та камера, 4 та лидар, 6 та радар ва ташқи аудио қабул қилувчилар киради. Ушбу технологиянинг асосий устунлиги унинг модуллигидадир, яни уни нафақат Zeekr минивенларига, балки Hyundai Иониқ 5 каби бошқа турдаги автомобилларга ҳам осонлик билан ўрнатиш мумкин.
Ҳозирда Ваймо парки асосан 3700 та Jaguar И-Пасе автомобилларидан иборат бўлиб, компания ҳар ҳафтада 500 мингдан ортиқ пуллик буюртмаларни бажармоқда. Янги Ожаи минивенларининг жорий этилиши компания паркини кенгайтириш ва даромадлиликни ошириш йўлидаги муҳим қадамдир. Гарчи сўнгги пайтларда компания сув тошқинлари ва йўл қурилиш ҳудудларидаги техник муаммолар туфайли айрим шаҳарларда хизматни вақтинча тўхтатган бўлса-да, янги модел технологик ўсишни таъминлаши кутилмоқда.
“Zamin”ни Telegram'да ўқинг!
