Жаҳон соғлиқни сақлаш ташкилоти гриппга қарши кураш бўйича янги қўлланмани ишлаб чиқди. Ушбу тавсиялар ташкилот расмий сайтида эълон қилинди.
Янгиланган йўриқнома, аввало, грипп билан касалланган беморларга хизмат кўрсатувчи тиббиёт муассасалари учун мўлжалланган. Шунингдек, у эпидемия ва пандемияларга тайёргарлик борасида тегишли идоралар учун маълумот манбаи бўлиб хизмат қилади.
Қайд этилишича, дунё бўйича ҳар йили тахминан 1 миллиард киши мавсумий гриппга чалинади. Улардан 3-5 миллион нафарида касаллик оғир кечади. Хасталик оқибатида йилига 650 минг нафаргача бемор ҳаётдан кўз юммоқда.
Қўлланмада қайд этилишича, агар хасталик енгил кечаётган беморларда гриппнинг оғир шакллари ривожланиш эҳтимоли бўлса, мутахассислар балоксавир буюришни тавсия қилади. Агар бундай хавф даражаси паст бўлса, препаратни қўллаш мақсадга мувофиқ эмас.
Гриппнинг енгил шаклларига чалинганларга ланинамивир, осельтамивир, перамивир, занамивир, фавипиравир ва умифеновирдан фойдаланиш тавсия этилмайди. Қолаверса, бундай ҳолатда антибиотиклар қабул қилиш ҳам тўғри эмас.
Касалликнинг оғир босқичида осельтамивирдан фойдаланиш самарали. Бироқ перамивир ва занамивир билан даволаниш буюрилмайди. Агар беморларда бошқа бактериал инфекциялар ривожланиш хавфи паст бўлса, уларга макролидлар буюрилмаслиги, плазма терапияси ўтказилмаслиги зарур.
Агар грипп туфайли шифохонага ётқизилиш хавфи жуда юқори бўлса, осельтамивирни профилактика воситаси сифатида қўллаш мумкин. Лекин бундай вазиятда ланинамивир ва занамивирни қўллаш тавсия этилмайди.
Тавсиялар билан тўлиқ ушбу ҳаволада танишишингиз мумкин. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
22 ноябрь куни Cobalt автомобилига шартнома очилиши эълон қилинди
Италия суди Қуддус Исроил пойтахти эмаслиги ҳақида қарор чиқарди
