“Диабет — ҳаёт тарзи” мавзусида илмий-амалий конференсия бўлиб ўтди

🏥Бугун Миллий тиббиёт марказида Бутунжаҳон диабетга қарши курашиш куни муносабати билан “Диабет — ҳаёт тарзи” мавзусида илмий-амалий конференсия бўлиб ўтди.

▶️Тадбирда тиббиёт мутахассислари, илмий тадқиқотчилар ва бошқа соҳа вакиллари иштирок этиб, диабет касаллигини олдини олиш, унинг оқибатларини енгиллаштириш ва ҳаёт сифатини яхшилаш бўйича янги усуллар ва инновацион ёндашувлар муҳокама қилинди.

👩🏻‍💻Конференсияда асосан соғлом турмуш тарзини шакллантириш, овқатланиш рационини тўғри ташкил қилиш ҳамда мунтазам жисмоний фаолликнинг диабетни назорат қилишдаги аҳамияти ҳақида батафсил маълумот берилди.

✔️Шу билан бирга, замонавий тиббий технологиялар ва доривор воситалар орқали беморларга кўрсатилаётган ёрдамнинг самарадорлигини ошириш бўйича тавсиялар тақдим этилди.

🔹Тадбир охирида қатнашчилар ўзаро фикр алмашиб, диабетга қарши курашда давлат, тиббиёт ва жамиятнинг ўзаро ҳамкорлиги муҳим эканлигини қайд этдилар.

“Замин” янгиликларини “Facebook”да кузатиб боринг