Ёзда соғлиғингизни хавфга қўядиган оддий хатолардан эҳтиёт бўлинг

Ёз фасли – кўнгилочар дам олиш, табиат қўйнида саёҳат қилиш ва яқинлар билан биргаликда завқли вақт ўтказиш имкониятини берса-да, айнан шу даврда кўпчилик кундалик ҳаётда кўплаб қўпол хатоларга йўл қўяди. Одатий одатлар ёки эътиборсизлик соғлиғингизни хавфга қўйиши мумкин. Қуйида ёз фаслида кўп учрайдиган хатолар ва уларнинг оқибатлари ҳақида тўхталиб ўтамиз.

1. Болаларга слаш ичимлик таклиф қилиш — зарарли “совуқ” таом

Ота-оналарнинг кўпчилиги болаларига “шакарсиз” деган ёзувга ишониб, слаш ичимликларини харид қилишади. Лекин бу музли ичимликлар таркибида тез эриб кетмаслиги учун глицерин қўшилади, у эса бола организмига салбий таъсир кўрсатиши мумкин. Қондаги шакар миқдорининг тушиб кетиши, қорин дам бўлиши, уйқучанлик ва бошқа кўнгилсиз ҳолатлар юзага келиши эҳтимоли бор. Энг яхши йўл – болалар билан уйда лимонад ёки ўз қўлингиз билан фойдали ичимликлар тайёрлаш.

2. Парфюмдан фойдаланиш — пигмент доғлар ва терининг яллиғланиши

Ёзда хушбўй атирлардан фойдаланишга шошилманг. Атирлар ва косметика воситаларидаги айрим элементлар қуёш нурларига нисбатан тери сезувчанлигини кучайтиради ва натижада пигмент доғлар пайдо бўлиши мумкин. Атирни тўғридан-тўғри терига эмас, балки қуёш тушмайдиган ёки кийим устидан сепиш тавсия этилади.

3. Кондиционерни нотўғри ишлатиш — салқинлик ўрнига касаллик

Кўпчилик иссиқда кондиционерни ортиқча паст ҳароратга созлайди ёки уни тез-тез ўчириб-ёқиб юради. Бундай йўл билан нафақат энергия исроф бўлади, балки саломатликка ҳам зарар келтирилиши мумкин. Энг тўғри ечим – хона ҳароратини бир меъёрда ушлаш ва мунтазам шамоллатишни унутмасликдир. Шунингдек, ҳаво намлигини ҳам назорат қилиш зарур.

4. Қуёшда спорт билан шуғулланиш — хавфли ишқибозлик

Ёзги иссиқда, айниқса куннинг энг қизиган пайтида, очиқ ҳавода спорт билан шуғулланиш янги спортчилар учун хавфли. Организмда тез сувсизланиш, қуруқлик, ҳушсизлик ва ҳатто жиддий муаммолар юзага келиши мумкин. Энг яхши йўл – машғулотни эрталаб ёки кечқурун, салқин пайтларда ўтказиш ёки спорт залига бориш.

5. Ҳашаротлардан ҳимоя қилувчи воситалардан фойдаланмаслик — инфекция хавфи

Репеллентлар нафақат пашша ва чумоли, балки хавфли инфекцияларни тарқатувчи чивин ва каналардан ҳам ҳимоя қилади. Улардан воз кечиш ёзда қутуриш, безгак ва бошқа касалликларнинг тарқалиш хавфини оширади.

6. Қуёшдан ҳимоя қилувчи кўзойнак ва бош кийимсиз чиқиш — тўғридан-тўғри хавф

Кўзлар ва бошни қуёш нурларидан ҳимоя қилиш ёз фаслида алоҳида аҳамиятга эга. Кенг қиррали шляпа, панама ёки сифатли қуёш кўзойнаклари соғлиқ учун муҳим. Акс ҳолда, иссиқ уриб қолиш, бош оғриғи ва кўз касалликларига олиб келиши мумкин.

Хулоса ўрнида: Ёзги дам олишдан тўлиқ завқ олиш ва саломатлигингизни сақлаш учун юқоридаги оддий тавсияларга амал қилинг. Энг кичик эътиборсизлик катта муаммога айланмаслиги учун, бу фаслда соғлиғингизни ҳимоя қилишни унутманг! «Замин»ни Telegram’да ўқинг!