Америка олимлари олиб борган сўнгги тадқиқотлар вейп — яъни электрон сигареталарнинг инсон саломатлиги учун қанчалик катта хавф солишини яна бир бор тасдиқлади. Уларнинг хулосаларига кўра, вейплар анъанавий тамаки маҳсулотларига нисбатан 20 баравар кўпроқ зарар келтириши мумкин.
Электрон сигарета сифатида танилган бу қурилмалар махсус суюқликни буғ шаклида нафасга тортиш имконини беради. Бир қарашда зарарсиз ва "димоғбоп" кўринадиган бу ускуналар ўз ичида жиддий хатарларни жамлаган.
Оғир металлар ва заҳарли моддалар концентрацияси жуда юқори
Тадқиқот натижалари шуни кўрсатдики, вейплардаги буғ таркибида қўрғошин, никел, сурма каби оғир металлар миқдори меъёрдан анча ортиқ. Бу моддалар тананинг ичига секин-аста тўпланади ва вақт ўтиши билан саломатликка қайтариб бўлмас зиён етказади.
Жиддий касалликлар хавфи ортади
Олимлар таъкидлашича, вейпдан мунтазам фойдаланиш:
- деманс (ақлий қобилиятнинг пасайиши),
- ўпка фиброзлари ва нафас йўллари муаммолари,
- турли хил саратон турлари каби оғир хасталикларни юзага келтириши мумкин.
Бундан ташқари, электрон сигареталарга берилиш инсонда никотинга қарамликни кучайтириши, асаб тизимини издан чиқариши ва қон айланишига салбий таъсир кўрсатиши мумкин.
Ёшлар орасида тарқалиши хавотирли даражада
Кўплаб мамлакатларда, жумладан, АҚШда ҳам электрон сигареталар ёшлар орасида оммалашгани хавотир уйғотмоқда. Чунки бу каби қурилмаларнинг ташқи кўриниши, турли таъмлардаги буғлари ва реклама орқали тарғиб қилиниши ёшлар онгига "зарарсиз" экан деган фикрни сингдиради.
Хулоса: “замонавий” деб қабул қилинган вейплар шунчалик беҳавотар эмас
Олимлар ва шифокорлар бу каби қурилмаларни истеъмол қилмаслик, айниқса ёшлар орасида унинг олдини олиш бўйича кенг қамровли тарғибот ишларини олиб боришни тавсия қилишмоқда. Чунки вейп — бу сигареталарнинг хавфсиз альтернативаси эмас, балки янада хатарли, замонавий қиёфадаги янги таҳдиддир. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
