ETRI тадқиқотчилари аутизм спектри бузилиши (ASD) ни барвақт аниқлаш учун сунъий интеллект (АИ) технологиясини ишлаб чиқишди. Бу технология болаларда аутизм белгилари пайдо бўлиши билан уни тез аниқлаш имконини беради ва бу орқали барвақт скрининг ва зарур тиббий аралашув учун кенг имкониятлар яратилади, деб National Research Council of Science & Technology хабар берди.
Электроника ва телекоммуникациялар тадқиқот институти (ETRI) томонидан яратилган "ижтимоий ўзаро таъсирни таниш" АИ технологияси 6 дақиқа давомида болалар томонидан кўрилган махсус видео контент асосида уларнинг аутизм билан боғлиқ ижтимоий реакцияларини таҳлил қилиш орқали ASD ни аниқлайди.
Аутизм спектри бузилиши ижтимоий алоқада қийналиш, чекланган ва такрорий хулқлар орқали намоён бўлади. ASD ни барвақт аниқлаш ва даволаш жуда муҳим, чунки бу боланинг ривожланишида ижобий натижаларга олиб келади.
Ҳозирда мутахассислар етишмаслиги, жамиятда хабардорликнинг паст даражада экани ва ресурслар тақчиллиги сабабли, аутизмни аниқлаш 2 йилдан 6 йилгача кечикиши мумкин. Аммо ASD аломатлари 12–24 ойлик ёшда ҳам намоён бўлиши мумкин, айрим ҳолларда ундан ҳам олдин.
ETRI тадқиқотчилари Сеул Миллий университетининг Бунданг шифохонаси Психиатрия кафедрасидаги профессор Ю Ҳи-Жунг жамоаси билан ҳамкорликда 42 ой ёки ундан кичик 3 531 бола ҳақидаги маълумотларни таҳлил қилди. Ушбу таҳлил асосида АИ технологияси қўлланилиши мумкин бўлган сценарий ишлаб чиқилди.
Шу асосда дунёдаги илк "ижтимоий ўзаро таъсирни уйғотувчи контент" ишлаб чиқилди. У болада қуйидаги ижтимоий реакцияларни кузатишга имкон беради:
- қизиқ объектга қараш,
- исмига жавоб бериш,
- ҳаракатни тақлид қилиш,
- ишора кўрсатиш,
- кўз билан боғланиш ва ҳоказо. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
