Дунё тиббиётида муҳим янгилик — Гарвард университети олимлари Альцгеймер касаллигини даволаш йўналишида катта ютуққа эришди. Бу оғир нейродегенератив хасталик одамнинг хотирасини йўқотишига олиб келади ва ҳозирда бутун дунёда 55 миллиондан ортиқ инсон ундан азият чекади.
Тадқиқот натижаларига кўра, хотиранинг кескин ёмонлашиши миядаги литий моддаси миқдорининг камайиши билан боғлиқ экан. Олимлар литий танқислигини тўлдириш орқали йўқотилган хотирани тиклаш ва касаллик ривожланишини тўхтатиш мумкинлигини аниқладилар.
Ҳозирча тадқиқотлар лаборатория босқичида бўлиб, олимлар клиник синовларни ўтказишни режалаштирмоқда. Агар натижалар тасдиқланса, янги дори ишлаб чиқарилиши ва амалиётга жорий этилиши мумкин.
Мутахассислар бу кашфиётни «нафақат тиббиёт, балки инсоният учун ҳам катта умид» деб баҳоламоқда. Чунки Альцгеймер хасталиги қариликдаги деменциянинг энг кенг тарқалган сабабларидан бири ҳисобланади ва ҳозирча уни тўлиқ даволаш имкони йўқ эди.
«Замин»ни Telegram’да ўқинг!
