Болалар саломатлиги ҳар бир ота-она учун энг муҳим масала ҳисобланади. Айниқса, кичик ёшда уларга қандай овқат ва ичимлик бериш кераклигига жиддий эътибор қаратиш зарур. Мутахассислар таъкидлашича, етти ёшгача бўлган болаларга газланган сувни мутлақо ичириш мумкин эмас.
Газли сув таркибида карбонат ангидрид моддаси мавжуд бўлиб, у ичимликка майда пуфакчалар ва ўзига хос нордон таъм беради. Катталар учун у айрим ҳолларда зарарсиздек кўринса-да, бола организмида бутунлай тескари таъсир кўрсатади.
Нега газланган сув хавфли?
-
Қорин шишиши ва дам бўлиши – болаларнинг ҳали ривожланиш жараёнида бўлган ошқозон-ичак тизими газли ичимликка чидамли эмас.
-
Кислоталилик ошиши – газ суви ошқозон шиллиқ қаватига қаттиқ таъсир қилиб, унинг кислоталилигини кўпайтиради.
-
Терида ноқулайлик – баъзи ҳолларда қичишиш ва аллергияга ўхшаш белгилар ҳам кузатилиши мумкин.
Нима ичиш тавсия этилади?
Мутахассислар фикрича, болалар учун энг тўғри танлов – газсиз минерал сув. У нафақат чанқоқни тез қондиради, балки танани зарур минерал моддалар билан ҳам таъминлайди. Шу билан бирга, унинг ҳеч қандай ножўя таъсири йўқ.
Ота-оналар ҳар доим бола саломатлигини устувор қўйиши, уларни зарар келтириши мумкин бўлган ичимликлардан эҳтиёт қилиши лозим. Чунки болаликда йўл қўйилган кичик хатолар келажакда катта муаммоларга айланиши мумкин.
«Замин»ни Telegram’да ўқинг!
