Ўзбекистон ошхонасида балиққа қизиқиш йилдан йилга ортяпти. Аммо савол туғилади: қайси балиқ энг фойдали? Мутахассислар ва олимлар жавоби аниқ — лосось (salmon) дунёда энг қиммат ва саломатликка фойдали балиқ сифатида тан олинган.
Лосось таркибида юрак ва қон томирлар саломатлиги учун зарур бўлган омега-3 ёғ кислоталарини ҳаддан ташқари кўп миқдорда сақлайди. Бу моддалар қон айланишини яхшилайди, холестеринни камайтиради, мия фаолиятини қувватлайди. Шунингдек, лососьда А, D ва B12 витаминлари, темир, йод ва фосфор кўп бўлиб, суякларни мустаҳкамлайди ва иммунитетни оширади.
Бироқ лосось ҳамиша ҳамёнбоп ва арзон эмас. Шунга қарамай, ўзбек бозорларида мавжуд бўлган судак, скумбрия ва форель ҳам жуда фойдали ҳисобланади. Улар ҳам омега-3, минераллар ва витаминлар манбаи бўлиб, организмга куч-қувват беради.
Табиблар маслаҳатига кўра, балиқни ҳафтасига камида икки марта истеъмол қилиш керак. Қовурилганидан кўра буғда пиширилган ёки печда тайёрланган балиқ соғломроқ ҳисобланади.
«Замин»ни Telegram’да ўқинг!
