Жаҳон соғлиқни сақлаш ташкилоти (ЖССТ) маълумотларига кўра, бугунги кунда 1 миллиарддан ортиқ инсон турли хил руҳий муаммолардан азият чекмоқда.
Ташкилотнинг ҳисоботида қайд этилишича, энг кўп учрайдиган касалликлар қаторига ташвиш ва депрессия киради. Статистикага кўра, аёллар эркакларга қараганда руҳий хасталикларга тез-тез дуч келишади.
Мутахассисларнинг таъкидлашича, руҳий саломатлик билан боғлиқ муаммоларнинг кенг тарқалиши кўплаб мамлакатларнинг иқтисодий ривожланишига салбий таъсир кўрсатмоқда. Фақатгина ташвиш ва депрессия туфайли жаҳон иқтисодиёти ҳар йили ўртача 1 триллион доллар зарар кўрмоқда.
Шунга қарамай, кўплаб давлатлар соғлиқни сақлаш бюджетининг атиги 2 фоизини руҳий саломатликни қўллаб-қувватлашга ажратади. Афсуски, кам даромадли мамлакатларда руҳий касалликларга чалинган беморларнинг 10 фоиздан камроғи зарур тиббий ёрдамни олади.
«Замин»ни Telegram’да ўқинг!
