Хитойда 3,98 литр ёнилғи сарфлайдиган янги Геелй Префаcе гибрид седани сотувга чиқди

Хитойда "Геелй Хингруи и-HEV Смарт Ҳйбрид" (Хитойдан ташқарида "Геелй Префаcе" номи билан танилган) гибрид бизнес-седанининг расмий савдолари бошланди. Автомобиль ўз синфи учун жуда арзон нархда бўлиб, унинг базавий версияси 96 700 юанга баҳоланди. Бу ҳақда Ixbt.com хабар беради.

Дастлабки харидорлар учун топ версия нархи эса 108 700 юанни ташкил этади.

Моделнинг асосий хусусияти "Геелй и-HEV Смарт Ҳйбрид" тизими ҳисобланади. У 1,5 литрли двигатель, электр мотор ва 3 поғонали DHT узатмалар қутисини ўзида жамлаган.

Тизимнинг умумий қуввати 313 от кучига тенг бўлиб, ўртача ёқилғи сарфи 100 километрга 3,98 литрни ташкил қилади.

Ишлаб чиқарувчининг таъкидлашича, тизим тортишиш кучини ҳаракат шароитларига мослаштира олади. Тирбандликларда автомобиль электр энергиясида ҳаракатланади, шаҳарда кетма-кет ва параллель режимларни уйғунлаштиради.

Трассада тўғридан-тўғри двигатель узатмасидан фойдаланилса, кескин тезлашиш вақтида иккала мотор биргаликда максимал қувват беради.

Автомобиль замонавий технологиялар билан жиҳозланган. Салонда 10,2 дюймли рақамли асбоблар панели ва "Snapdragon 8155" чипида ишловчи 14,6 дюймли медиа тизим ўрнатилган.

Шунингдек, 256 хил рангли ёритиш, 16 та динамикли аудио тизим, олд ўриндиқларни иситиш ва вентиляция қилиш ҳамда 50 ваттли симсиз қувватлаш имконияти мавжуд.

Электроника ва ёрдамчи тизимлар учун "GEEA 3.0" архитектураси жавоб беради. Ҳайдовчига ёрдам бериш мақсадида 128 TOPS ҳисоблаш қувватига эга "Қианли Ҳаоҳан H3" тизими ўрнатилган бўлиб, у трассада автопилот ва ақлли тўхташ жойи функцияларини ўз ичига олади.