Россияда Хитойда ишлаб чиқарилган янги Волво XC70 кроссовери намойиш этилди
Россияда янги авлод "Волво XC70" кроссовери намойиш этилди. У Д-классига мансуб оилавий кроссовер бўлиб, "XC60" ва "XC90" моделлари орасидан жой олган. Автомобиль 462 от кучига эга бўлган учта электр двигатели ва 1,5 литрли турбо мотор билан жиҳозланган. Янги кроссовер тўлиқ қувват билан 1200 км йўл юриши мумкин.
Россия бозорида янги авлод "Волво XC70" кроссовери намойиш этилди. Аввалги авлоддан фарқли ўлароқ, модель эндиликда йўлтанламас универсал эмас, балки Д-классига мансуб оилавий кроссоверга айланди. Бу ҳақда Ixbt.com хабар беради.
Ўлчамлари бўйича у "XC60" ва "XC90" моделлари орасидан жой олган.
Автомобиль SMA платформасида қурилган бўлиб, унинг куч қурилмаси учта электр двигатели ва 1,5 литрли "Геелй" турбо моторидан иборат. Тизимнинг умумий қуввати 462 от кучини ташкил этади.
Кроссовер 100 км/соат тезликка 5,4 сонияда эришади.
Тўлиқ узатмали автомобиль 39,6 kVt/соат сиғимли аккумулятор билан жиҳозланган. Бу фақат электр энергиясида 212 км масофани босиб ўтиш имконини беради.
Ёқилғи баки ва тўлиқ қувват билан кроссовер жами 1200 км йўл юриши мумкин.
Янги "Волво XC70" моделининг жаҳон премераси 2025 йилнинг ёзида бўлиб ўтган эди. Ҳозирда ушбу автомобиль Хитойнинг Тайчжоу шаҳридаги заводда ишлаб чиқарилмоқда.
Изоҳлар 0
…