Делимобил алоқа сифати паст бўлган ҳудудларда автомобил ижарасини йўлга қўйди

Россиянинг Делимобил каршеринг хизмати интернет алоқаси чекланган ёки беқарор бўлган ҳудудларда автомобил ижарасини амалга оширишнинг янги усулини тақдим этди. Эндиликда фойдаланувчилар овозли ёрдамчи ёрдамида транспорт воситасини бошқариш имкониятига эга бўлишади. Бу ҳақда Ixbt.com хабар беради.

Янги функциядан фойдаланиш учун мижоз аввал интернет ёки Wi-Fi тармоғи мавжуд бўлган жойда автомобилни илова орқали банд қилиб қўйиши керак. Автомобил олдига етиб боргач, иловадаги махсус тугма орқали қўллаб-қувватлаш хизматига қўнғироқ қилиш ва овозли робот кўрсатмаларига амал қилиш кифоя.

Овозли ёрдамчи фойдаланувчига автомобилни суратга олиш ва уларни тизимга юклаш жараёнида йўл-йўриқ кўрсатади. Бу ечим айниқса интернет сигнали паст бўлган ҳудудларда қулайлик яратиш учун ишлаб чиқилган.

Саёҳат якунлангач, автомобил эшиклари Bluetooth технологияси орқали автоматик тарзда қулфланади. Ижара жараёнини якунлаш учун эса яна бир марта қўнғироқ қилиш етарли бўлади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг