Грок дастурчилари сунъий интеллектга асосланган чат-бот Apple КарПлай тизимини қўллаб-қувватлайдиган транспорт воситаларида ишга туширилганини эълон қилди. Эндиликда ҳайдовчилар смартфонга қўл теккизмасдан, овозли буйруқлар ёрдамида йўл давомида Грок билан мулоқот қилишлари мумкин. Бу ҳақда Ixbt.com хабар беради.
2026-йил ҳолатига кўра, Apple КарПлай 800 дан ортиқ автомобил ва мотоцикл моделларида мавжуд. Ушбу технология замонавий автомобил саноатида стандартга айланган бўлиб, 2017–2026-йиллар оралиғидаги кўплаб русумлар ушбу функцияни ўз ичига олади. Хизмат айнан йўл шароитларига мослаштирилган бўлиб, фойдаланувчиларга маълумотларни қисқа шаклда олиш ва турли вазифаларни бажариш имконини беради.
Хавфсизликни таъминлаш мақсадида тизим тўлиқ «ҳандс фреэ» режимида ишлайди. Бу интеграция Грок аудиториясини сезиларли даражада кенгайтириши кутилмоқда. Шунингдек, SpaceXAI компанияси Грок Компутер янгиланишини тақдим этди, у файл тизими ва буйруқлар қатори билан бевосита ишлаш қобилиятига эга.
Яқинда Elon Musk хAI ва SpaceX компаниялари тўлиқ бирлашганини маълум қилди. Эндиликда хAI мустақил тузилма сифатида фаолиятини тўхтатиб, SpaceX таркибидаги SpaceXAI бўлинмасига айланди. Бундан ташқари, платформа API орқали тасвирлар яратиш учун янги Грок Имагине Қуалитй Моде режимини ишга туширди.
“Zamin”ни Telegram'да ўқинг!
