Россиянинг РСИ Сервисе тюнинг компанияси Lada Искра моделининг биринчи турбосини яратганини эълон қилди. Стандарт ҳолатда автомобил 106 от кучига эга 1,6 литрли атмосфера двигатели ва 6 поғонали механик узатмалар қутиси билан жиҳозланган бўлиб, 100 км/соат тезликка 12,6 сонияда эришади. Бу ҳақда Ixbt.com хабар беради.
Мутахассислар томонидан ўрнатилган махсус турбокомплект ёрдамида двигател қуввати 160 от кучигача, айланиш моменти эса 240 Нм гача оширилди. Гарретт-1752 турбинаси ўрнатилгандан сўнг, автомобилнинг 100 км/соат тезликка чиқиш вақти 7,5–8 сониягача қисқарди, максимал тезлик эса 210 км/соатни ташкил этади.
Лойиҳада зангламайдиган пўлатдан ясалган чиқариш коллектори, кучайтирилган совутиш тизими ва модернизация қилинган тормоз тизими қўлланилган. Тюнинг жараёни атиги тўрт кун давом этган бўлиб, у двигателнинг динамикаси ва эластиклигини сезиларли даражада яхшилашга имкон берди.
Эслатиб ўтамиз, Lada Искра модели бозорда муваффақият қозонмоқда: апрель ойида 3212 дона автомобил сотилган. Модел замонавий Lada ЭнжоЙ Эво мультимедиа тизими, Yandex сервислари, ЛEД оптикаси ва электрон барқарорлаштириш тизими (ЭСП) каби қулайликлар билан жиҳозланган.
“Zamin”ни Telegram'да ўқинг!
