Россиянинг Соллерс СП7 минивени учун янги тўрт ўринли люкс версия тайёрланди. Автопоток хабарига кўра, ушбу моделга буюртмалар 1-июндан бошлаб қабул қилинади. Автомобил салони юқори сифатли материаллар билан безатилган бўлиб, ҳайдовчи ва йўловчилар қисмини ажратиб турувчи махсус тўсиқ ҳамда унга ўрнатилган монитор билан жиҳозланган. Бу ҳақда Ixbt.com хабар беради.
Моделнинг базавий версияси ҳам бой жиҳозларга эга: чарм қоплама, ўриндиқларни электр бошқариш, иситиш ва вентиляция тизимлари, шунингдек, уч зонали иқлим назорати мавжуд. Иккинчи қатордаги алоҳида ўриндиқлар массаж функцияси билан таъминланган. Техник имкониятлар қаторига иккита 12,3 дюймли экран, 12 та динамикдан иборат аудио тизим ва сиmsиз қувватлаш қурилмаси киради.
Автомобил капоти остида 237 от кучига эга 2,0 литрли турбомотор ўрнатилган. У 8 поғонали автомат узатмалар қутиси ва олдинги узатмалар тизими билан ҳамкорликда ишлайди. Ишлаб чиқарувчи модел учун 5 йил ёки 150 000 километр масофага кафолат тақдим этади.
Ҳозирча янги тўрт ўринли модификациянинг нархи эълон қилинмаган. Таққослаш учун, стандарт Соллерс СП7 минивенининг тавсия этилган чакана нархи 4 990 000 рублни ташкил этади.
“Zamin”ни Telegram'да ўқинг!
