BYD компанияси ўзининг оммабоп Юан Plus электр кроссоверининг учинчи авлодини расман намойиш этди. Ташқи кўринишидан кескин ўзгармаган бўлса-да, автомобил бутунлай янги платформага ўтди, қуввати ва технологик жиҳозланиши сезиларли даражада яхшиланди. Янги моделнинг нархи Хитой бозорида 120 мингдан 150 минг юангача (тахминан 16,5 мингдан 21 минг долларгача) этиб белгиланди. Бу ҳақда Ixbt.com хабар беради.
Асосий ўзгаришлардан бири — орқа узатмали э-платформ 3.0 Эво платформасига ўтилганидир. Кроссовер 200 кВ (278 л.с.) ёки 240 кВ (326 л.с.) қувватга эга электр моторлар билан жиҳозланади, тортиш кучини тақсимлаш учун эса иТАК 2.0 тизими масъулдир. Автомобилга 57,5 ва 68,5 кВ·соат сиғимли иккинчи авлод Бладе (литий-темир-фосфат) батареялари ўрнатилган бўлиб, улар бир қувватланишда 540 ва 630 км масофа босиб ўтиш имконини беради.
Янги Юан Plus ўта тезкор қувватланиш технологиясини қўллаб-қувватлайди: батареяни 10 фоиздан 97 фоизгача атиги 9 дақиқада тўлдириш мумкин. Шунингдек, батарея юқори хавфсизлик ва қизиб кетишга чидамлилик хусусиятига эга. Юриш қисми ҳам модернизация қилинган: олд томонда МкПҳерсон, орқада эса мустақил беш ричагли осма ўрнатилган. Юнлиан-К тизими эса амортизаторлар қаттиқлигини реал вақт режимида бошқариб боради.
Автомобил ўлчамлари катталашиб, узунлиги 4665 мм га етди, бу эса салоннинг кенгайишига хизмат қилди. Юкхонаси 750 литрни ташкил этади, қўшимча равишда олд қисмда 180 литрли кичик багаж ҳам мавжуд. Ички макон бутунлай янгиланган: катта экранли медиасистема, проекцион дисплей, янги рул ва 50 В қувватли сиmsиз қувватлагич ўрнатилган. Йўловчилар учун совутгич ва 16 та динамикли аудиотизим кўзда тутилган.
Энг юқори комплектацияда лидар ва 30 та датчик билан жиҳозланган "Худо кўзи" (Эе оф Год) деб номланган Б-даражали ҳайдовчига кўмаклашиш тизими мавжуд. Ушбу тизим шаҳар ва трассада автопилот режимида ҳаракатланишни, шунингдек, автоматик тўхташ (парковка) функциясини тўлиқ қўллаб-қувватлайди.
“Zamin”ни Telegram'да ўқинг!
