Universal ва DreamWorks Animation студиялари машҳур анимация франшизаси – «Шрек»нинг бешинчи қисми премьерасини кечиктиришга қарор қилди. Илгари 2026 йил 23 декабрга белгиланган фильм тақдимоти эндиликда 2027 йил 30 июнь куни бўлиб ўтади. Бу ҳақда Peopletalk нашри хабар берди.
Қайд этилишича, бу «Шрек 5» премьерасига қўйилаётган иккинчи кечиктириш. Лойиҳа дастлаб 2026 йил июлида намойиш этилиши режалаштирилган, кейин эса 2026 йил декабрига кўчирилган эди. Аммо студия кечикиш сабабларини расман маълум қилмади.
Янги қисм оригинал «Шрек» мультфильми намойиш этилганидан сўнг йигирма беш йил ўтиб катта экранларга чиқади. 2001 йилдаги биринчи қисм эртаклардаги анъанавий «ҳаёт доим бахтли якун топади» концепциясини қайта талқин этиб, бутун дунё бўйлаб қарийб 500 миллион доллар йиғган ва тарихда илк бор «Оскар» ютган анимация фильмига айланган эди.
Шундан сўнг учта сиквел яратилган:
-
«Шрек 2» (2004 йил),
-
«Шрек Третий» (2007 йил),
-
«Шрек Навсегда» (2010 йил),
- шунингдек, машҳур қаҳрамонлардан бири ҳақида иккита спин-офф — «Кот в сапогах» фильмлари ҳам намойиш этилган.
Янги қисмда бош қаҳрамонларга овоз берган Майк Майерс, Эдди Мёрфи ва Камерон Диас яна ўз ролларига қайтишади.
Бундан ташқари, DreamWorks студияси франшиза доирасида янги лойиҳани ишга тушириши маълум бўлди — у «Шрек»нинг яқин дўсти, ҳазилкаш ва содиқ қаҳрамон Ослик ҳақидаги алоҳида фильм бўлади.
