Италия терма жамоасининг собиқ футболчиси Фабио Каннаваро 2025/2026 йилги мавсумда Туриннинг "Ювентус" клуби А Серия чемпионлиги учун курашдаги имкониятлари ҳақида фикр билдирди. Каннаваронинг таъкидлашича, "Қари синьора" ҳозир асосий рақобатчиларидан ортда қолаётган бўлса-да, скудетто учун курашдан воз кечмаслиги керак.
У жамоа бош мураббийи Лучано Спаллеттининг иш услубини алоҳида эътироф этди. "Лучано Спаллетти менга доим ўз ишида ёққан.
Бу мураббийдан, албатта, ўрганадиган жиҳатлар бор. У менинг севимли мураббийим", дея Каннаваронинг сўзларини Tuttosport нашри келтирди.
А Сериянинг 15-туридан кейин "Ювентус" 26 очко жамғарган ва турнир жадвалида бешинчи ўринда бормоқда. Спаллетти шогирдлари пешқадам Миланнинг "Интер" жамоасидан етти очкога ортда қолмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
