АҚШнинг Майами шаҳрида бокс мухлислари учун ҳақиқий шов-шувли ва юлдузларга бой кеча ташкил этилди. Асосий жангда оғир вазн тоифасида машҳур блогер ва профессионал боксчи Жейк Пол ҳамда собиқ жаҳон чемпиони Энтони Жошуа рингга кўтарилди.
Беллашув тўлиқ Жошуанинг устунлиги остида ўтди. Британиялик тажрибали боксчи 6-раундда ҳал қилувчи зарба йўллаб, рақибини нокаутга учратди ва ишончли ғалабани қўлга киритди. Жанг 3 дақиқалик 8 раунд форматида ўтиши режалаштирилган бўлиб, Жошуа учун максимал вазн чегараси 111,1 килограмм этиб белгиланган эди.
Ушбу ғалаба Жошуа учун руҳий жиҳатдан ҳам катта аҳамиятга эга. Сабаби, ундан олдинги жангда у Даниэл Дюбуага қарши баҳсда 5-раундда нокаут орқали мағлуб бўлганди. Шу боис Майамидаги жанг унинг рингга ишонч билан қайтганини кўрсатди.
Жейк Пол эса сўнгги пайтларда омадсизликлар сериясини бошдан кечирмоқда. У жорий йил июнь ойида Хулио Сезар Чавес Жуниорга ютқазган ва Жошуага қарши жангда ҳам кутилган натижага эриша олмади.
Қайд этиш жоиз, аввалроқ Энтони Жошуа 2026 йилда профессионал боксдаги фаолиятини якунлаш нияти борлигини маълум қилган эди. Шу боис, ҳар бир навбатдаги жанг унинг карьерасида алоҳида аҳамият касб этмоқда.
Майамидаги бу кеча эса бокс мухлислари хотирасида Жошуанинг ишончли қайтиши сифатида қолиши аниқ.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
