Симеоне «Атлетико» жамоасини тўртинчи бор YCHL ярим финалига олиб чиқди

Нидерландиялик афсонавий футболчи Рууд Гуллит Диего Симеонени барча даврларнинг энг яхши мураббийларидан бири деб атади. Унинг фикрича, аргентиналик мутахассис футбол оламида ўзи лойиқ бўлган эътирофга тўлиқ эриша олмаяпти. Бу ҳақда Goal.com хабар беради.

Симеоне 2011 йилдан буён «Атлетико» клубини бошқариб, жамоани инқироздан олиб чиқди.

«Чоло» лақаби билан машҳур мураббий Мадриднинг иккинчи клуби билан саккизта соврин, жумладан, икки марта Испания чемпионлигини қўлга киритди. Унинг қўл остида жамоа тўртинчи бор Европа Чемпионлар лигасининг ярим финалига йўлланма олди.

Бу натижалар «Атлетико»ни қитъанинг энг кучли клублари қаторига қайтарди.

Симеоненинг ўйин услуби кўпинча танқид қилинади, бироқ унинг 2013-2014 йилги мавсумдаги ғалабаси футбол тарихидаги энг буюк ютуқлардан бири ҳисобланади. Ўшанда у «Реал Мадрид» ва «Барселона»нинг ўн йиллик гегемонлигини тугатиб, Лионель Месси ва Криштиану Роналду жамоаларини ортда қолдирган эди.

Ҳозирги кунда 55 ёшли мутахассис замонавий футбол талабларига мослашишга ҳаракат қилмоқда. У ўйин тезлиги ошганини ва ўз услубларини янгилаш зарурлигини тан олди.

Шунга қарамай, Симеоне «Атлетико» учун нафақат мураббий, балки бутун жамоанинг жанговар руҳини белгилаб берувчи асосий тимсол бўлиб қолмоқда.