Дестро "Женоа"нинг муваффақиятлари сирини айтди

"Женоа" форварди Маттиа Дестро жамоанинг охирги ўйинларда яхши натижа қайд этаётгани ҳақида гапирди.
"Баллардини келганидан кейин жамоанинг ўйини яхши томонга ўзгарди. Мураббий футболчиларга иштиёқ, ғалаба қозониш истагини сингдира олди. Ўйлашимча, бу энг муҳими.
Менинг натижаларим? Айни пайтда энг яхши формада бўлиб турибман деб ўйлайман. Бу ҳали бошланиши. Бир хил руҳда давом этишимиз керак", деди 29 ёшли футболчи.