Google Пҳотос сунъий интеллектли рақамли гардероб функциясини эълон қилди
Google Пҳотос янги сунъий интеллектли рақамли гардероб функциясини эълон қилди. У фойдаланувчиларнинг кийим суратларини рақамли жавонга айлантириш имконини беради. Функция орқали кийимларни виртуал тарзда кийиб кўриш, тоифалар бўйича саралаш ва янги услубларни яратиш мумкин. Ҳозирча функция тўлиқ ишга тушмаган, аммо ёз ойларида Android ва кейинчалик iOS қурилмаларида пайдо бўлиши кутилмоқда.
Google Пҳотос иловаси сунъий интеллектга асосланган янги функцияни эълон қилди. Бу имконият фойдаланувчиларнинг кийим суратларини рақамли жавонга айлантиради. Бу ҳақда Techcrunch.com хабар беради.
Янги технология ёрдамида турли либосларни ўзаро мослаштириш ва уларни виртуал тарзда кийиб кўриш мумкин. Ғоя машҳур "Cлуелесс" фильмидаги қаҳрамоннинг виртуал кийим жавонидан илҳомланиб яратилган.
Google компаниясининг таъкидлашича, сунъий интеллект илова кутубхонасидаги суратларни таҳлил қилиб, кийимларнинг нусхасини автоматик равишда шакллантиради. Фойдаланувчилар либосларни тоифалар бўйича саралаши ва янги услубларни яратиши мумкин.
Яратилган услубларни дўстлар билан улашиш ёки махсус рақамли доскага сақлаб қўйиш имконияти мавжуд. Бу функция саёҳат, иш ёки байрамлар учун мос кийимларни олдиндан танлашни осонлаштиради.
Ҳозирча мазкур функция тўлиқ ишга туширилмаган. Бироқ ёз ойларида Android қурилмалари учун, кейинроқ эса iOS тизимида "Тўпламлар" бўлимида пайдо бўлиши кутилмоқда.
Изоҳлар 0
…