— Ўнг қовурғам остида оғриқ сезаман. Яқинларим: «Ўт қопингизда тош борга ўхшайди, ультратовуш кўригидан ўтинг», деб маслаҳат бермоқда. Аслида ўт қопидаги тош қандай ва қаердан пайдо бўлади? Бунга сабаб нима?
— Ўт пуфаги жигар ишлаб чиқарган суюқликнинг қопга жойлангани бўлиб, овқатланиш вақтида ўт суюқлигини ўн икки бармоқли ичакка ҳайдаб бериш вазифасини ўтайди, — дейди, Миллий тиббиёт маркази жарроҳи Бехзод Мамиров.
— Ўт суюқлиги овқат ҳазмига ёрдам беради. Одам узоқ вақт оч юрса, ўт димланади. Давомли қуюқ овқат истеъмол қилинса, ўт қопидаги сафро қуюқлашиб, кристаллар ҳосил бўлади.
Ўт пуфагида тош ўз-ўзидан пайдо бўлиб қолмайди. Жуда оч юриб, кейин бирданига тўйиб овқатланиш, хамирли, ёғли, аччиқ ва ширин таомларни кўп истеъмол қилиш, камҳаракатлилик, асабийлашиш, қорин дам бўлиши, қабзият натижасида ўт димланиб қолиб, ўт-тош касаллигига олиб келади.
Ўт пуфаги димланганининг биринчи белгиси бу — овқатлангандан сўнг ўнг қовурға остида оғриқ бўлиши, кўнгил айниши, наҳорда оғиз бўшлиғида тахирлик сезилиши ва ҳолсизликдир. Агар бунга эътибор қилинмаса, тошлар пайдо бўлади. Ўт қопи ўткир ва тез-тез қайталанувчи сурункали тошли холециститда, ўт пуфаги истисқосида, ўт пуфаги ўсмаси аниқланган ҳолатларда олиб ташланади. Ўшанда унинг вазифасини ўт йўллари бажаради.
Бунда овқат ҳазм қилишда бироз ўзгаришлар кузатилади. Шу сабабли мунтазам парҳез буюрилади. Аслида ўт қопидаги тош деярли сезилмайди, аммо у ҳаракатланиб ўт йўлига тиқилиб қолса, жуда кучли оғриқ пайдо бўлади.
Касал одам ўзининг ўт пуфагида тош борлигини узоқ вақт билмай юриши мумкин. Лекин тошлар кўпинча бу аъзоларнинг яллиғланишига сабаб бўлади, ўт йўлига тиқилиб қолади. Бунда қайталанадиган оғриқ пайдо бўлиб, бир неча соатлаб давом этади. Тош тиқилиб қолганида ўт (сафро) баданга сурилиб, бадан сарғаяди. Гоҳида ўт пуфаги ёрилиши ҳам мумкин. Шу сабабли ўт пуфагида оғирлик сезган заҳоти шифокорга мурожаат этиш зарур. Чунки ультратовуш текшируви аниқ ташхис қўйиш имконини беради. Аввало, шифокор тавсияларига амал қилиш лозим.
Уй шароитида эса ўт-тош касаллиги билан оғриганлар оз-оздан, тез-тез овқатланиши, гўштни қайнатиб ёки буғда пишириб истеъмол қилиши, лавлаги, редиска ва бошқаларни қириб ейиши тавсия этилади. Шўр, аччиқ, ўткир, ширин, ёғли таомлар, спиртли ичимликлар, тамаки мумкин эмас.
Умумий соғломлаштириш гимнастикаси билан шуғулланиб туриш, ичакнинг равон бўшалиб туришига эътибор қаратиш тавсия этилади. Тош пайдо бўлганида ўт ҳайдовчи гиёҳлар, дорилар мумкин эмас. Чунки улар тошни қўзғатиб, кучли оғриқ пайдо қилади. Бироқ тош пайдо бўлишидан олдин жўхори попуги, наъматак, ўлмасўт, газандаўт, дастарбош, айир, маккаи сано, мойчечак дамламаларини ичиб туриш керак. Аъзонинг ҳаракатсизлик ҳолатини тоғ райҳони, далачой, ялпиз йўқ қилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
